akhbar kya ki apni bhi khair-o-khabar se duur
kuchh roz chal ke rahte hain fikr-o-nazar se duur
pahle thiin raten ghair-zaruri safar se duur
ab din guzarna nahin asan ghar se duur
shab se sahar se shaam se pichhle pahar se duur
har justuju hai jaise guzar se basar se duur
rakh zehn ko futur se aur dil ko dar se duur
matlub hai shuur ko rakhna jo shar se duur
har tarah ke gurez hazar aur mafar se duur
aa chal ke dekhen ab kisi sidhi dagar se duur
az khud nahin ye saare musakhkhar nazar se duur
ham din men shams aur hain shab men qamar se duur
Leave a Reply