Ameeq Hanafi
akasr raat ga.e tak main chaukhaT par baiTha rahta huun
cigarette piita chand ko takta man men bikta rahta huun
rack pe rakh kar bhuul gaya tha us ke chehre aisi kitab
haath men jab aa jaati hai to pahron paḌhta rahta huun
marmar ka patthar ban jaati hai jab puure chand ki raat
apni nazron ki chhini se muraten ghaḌta rahta huun
aḳhiri show se lauTne vaale bhi gha.eb ho jaate hain
main jaane kin tasviron men kab tak khoya rahta huun
Leave a Reply