Akasr Raat Gae Tak Main chaukhaT Par baiTha Rahta Hun

akasr raat ga.e tak maiñ chaukhaT par baiThā rahtā huuñ

cigarette piitā chāñd ko taktā man meñ biktā rahtā huuñ

rack pe rakh kar bhuul gayā thā us ke chehre aisī kitāb

haath meñ jab aa jaatī hai to pahroñ paḌhtā rahtā huuñ

marmar kā patthar ban jaatī hai jab puure chāñd kī raat

apnī nazroñ kī chhīnī se mūrateñ ghaḌtā rahtā huuñ

āḳhirī show se lauTne vaale bhī ġhā.eb ho jaate haiñ

maiñ jaane kin tasvīroñ meñ kab tak khoyā rahtā huuñ

Leave a Comment