Umr Bhar Us Pe Main Mara Hi Kiya

umr bhar us pe maiñ marā hī kiyā

vo masīhā bhī dam diyā hī kiyā

thā vo nā-āshnā-mizāj vale

āḳhirash ham ne āshnā hī kiyā

āshiqī ke sivā bhī ham ne aur

jo kiyā kaam so burā hī kiyā

kar ga.e qais-o-koh-kan jo jo

ham ne us se bhī kuchh sivā hī kiyā

go bhalā yā burā thā sher apnā

sun ke yāroñ ne vāh-vā hī kiyā

ik na ik us kī zulf-e-barham se

pech dil par mire paḌā hī kiyā

shab-e-furqat meñ ‘muntazir’ har roz

sham.a sā dil mirā jalā hī kiyā

Leave a Comment