Sughra Sadaf
ajnabi se chehron par ashna si ankhen hain
ashna se chehron par kuchh ḳhafa si ankhen hain
zard zard mausam se tishnagi jhalakti hai
phuul hain ḳhizaon ke aur pyasi ankhen hain
palki baharon ki aane vaali hai shayad
nim-va darichon men aa.ina si ankhen hain
phir chala hai dil le kar ḳhvab-nak rahon par
mere char-su ab vo rahnuma si ankhen hain
yaad ki hasin kirnen jagmaga.in angan men
dil ka isti.ara to vo dua si ankhen hain
honT ḳhushk hain mere aur qadam ‘sadaf’ zaḳhmi
raat ka safar hai aur be-ziya si ankhen hain
Leave a Reply