Ajnabi Se Chehron Par Aashna Si Aankhen Hain

ajnabī se chehroñ par āshnā sī āñkheñ haiñ

āshnā se chehroñ par kuchh ḳhafā sī āñkheñ haiñ

zard zard mausam se tishnagī jhalaktī hai

phuul haiñ ḳhizāoñ ke aur pyāsī āñkheñ haiñ

pālkī bahāroñ kī aane vaalī hai shāyad

nīm-vā darīchoñ meñ aa.ina sī āñkheñ haiñ

phir chalā hai dil le kar ḳhvāb-nāk rāhoñ par

mere chār-sū ab vo rahnumā sī āñkheñ haiñ

yaad kī hasīñ kirneñ jagmagā.īñ āñgan meñ

dil kā isti.āra to vo duā sī āñkheñ haiñ

hoñT ḳhushk haiñ mere aur qadam ‘sadaf’ zaḳhmī

raat kā safar hai aur be-ziyā sī āñkheñ haiñ

Leave a Comment