Shahryar

Ajib Saneha Mujh Par Guzar Gaya Yaro

ajiib saneha mujh par guzar gaya yaaro

main apne saae se kal raat Dar gaya yaaro

har ek naqsh tamanna ka ho gaya dhundla

har ek zakhm mire dil ka bhar gaya yaaro

bhatak rahi thi jo kashti vo gharq-e-ab hui

chadha hua tha jo dariya utar gaya yaaro

vo kaun tha vo kahan ka tha kya hua tha use

suna hai aaj koi shakhs mar gaya yaaro

main jis ko likhne ke arman men jiya ab tak

varaq varaq vo fasana bikhar gaya yaaro

Leave a Comment