Farhat Abbas Shah
zindagi ke bahut masa.il hain
har qadam par pahaḌ haa.il hain
ai dil-e-be-qarar muddat se
ham tiri vahshaton ke qaa.il hain
aise takte hain aap ki janib
jaise mausam nahin hain saa.il hain
phuul ḳhushbu hava shajar barish
ek teri taraf hi maa.il hain
fasla to bahut hi kam hai magar
darmiyan men ka.i masa.il hain
us ke chehre ke samne ‘farhat’
rang aur raushni bhi zaa.il hain
sirf sahraon hi ki baat nahin
bastiyon men bhi tere ghayal hain
Leave a Reply