Ajab Hai Ye Qissa Kahani Mein Dam Hai

ajab hai ye qissa kahānī meñ dam hai

ye sab ne kahā thā kahānī meñ dam hai

palaT hī rahā thā ki pīchhe se mere

kisī ne pukārā kahānī meñ dam hai

mirī diary ko jalāne se pahle

vo kah kar gayā thā kahānī meñ dam hai

safhe hī palaTtā rahā raat bhar maiñ

ye rah rah ke samjhā kahānī meñ dam hai

kahāñ chal diye chhoḌ kar ye kahānī

tumhīñ ne kahā thā kahānī meñ dam hai

mujhe ek nāTak meñ dekhā thā us ne

to bolī ki aahā kahānī meñ dam hai

kahānī meñ rote hue mar gayā vo

ye kis ne batāyā kahānī meñ dam hai

Leave a Comment