Poet
aisi halat na ho kisi dil ki
kya kahun haae bebasi dil ki
lutf dekho ki vo sanvarta hai
le ke hathon men aarsi dil ki
apni halat sunae vo kyuun kar
kaun samjhega farsi dil ki
ye sitam dekhiye vo kahta hai
ghair-mumkin hai vapsi dil ki
zakhm-e-khandan ko dekhte jaao
tum ne dekhi nahin hansi dil ki
dil ka aina ru-e-ashiq hai
is se zahir hai be-kasi dil ki
ai ‘jamila’ bithao hasrat ko
vo bhi mehman hai isi dil ki
Leave a Reply