aisi duniya ka e’tibar nahin
koi bhi jis men gham-gusar nahin
zindagi ko guzarne vaalo
kya tumhen apna intizar nahin
chahaton ka vahan vajud kahan
ḳhvahishon ka jahan shumar nahin
phir bhi hoga nahin use ehsas
pattharon se lahu guzar nahin
tum suno to sinaon dil ki baat
zindagi is zamin pe baar nahin
tum ne va.ada to kar liya lekin
saans ka koi e’tibar nahin
qurbaten hon na hon magar ‘manzar’
ham ko dil se kabhi utaar nahin
Leave a Reply