jagmag jagmag us ki ankhen mera siina julta tha
chand hamare aage aage mash.al le kar chalta tha
rahguzar thi mahki mahki ek tilismi ḳhushbu se
tez hava men us ka anchal kya kya rang badalta tha
jhilmil jhilmil karte sapne pahli pahli chahat ke
sina-e-shab par is ke qadam the ya ḳhurshid nikalta tha
phuul sa chehra dahka dahka zulfon ki shadabi men
alam-e-imkan chupke chupke apni ankhen malta tha
surḳh labon ki pankhuḌiyan jab haule se khil jaati thiin
qaus-e-quzah ka resham un par shabnam-var machalta tha
ek parinda chiḳh raha tha masjid ke minare par
duur kahin ganga ke kinare aas ka suraj Dhalta tha
shahr-e-vafa men ja nikle the ham bhi nuur se milne ko
vo divana ik parchha.in ke hamrah Tahalta tha
Leave a Reply