aise chup chup bhi kya jiya jaa.e
ab kahin ishq hi kiya jaa.e
dil ke shishe pe hai ghubar bahut
aaj kuchh der ro liya jaa.e
ajnabi shahr be-namak chehre
kise ham-raz-e-dil kiya jaa.e
habs ki pyaas hai bujhegi kahan
ab-e-haivan hi go piya jaa.e
dil hai viran shahr bhi ḳhamosh
phone hi us ko kar liya jaa.e
ek divar-e-jism baaqi hai
ab use bhi gira diya jaa.e
ho gaya taar taar har manzar
‘sham’ chak-e-nazar siya jaa.e
Leave a Reply