Zebunnisaa Zaibii
aisa hai kaun jo mujhe haq tak rasa.i de
dekhun jise bhi ḳhauf-zada sa dikha.i de
apne hain shahr bhar men paraya koi nahin
phir bhi hamara dil hai jo tanha dikha.i de
taḳhsis koi zalim o mazlum ki nahin
koi duha.i de bhi to kis ki duha.i de
hamdard hon ghayur hon aur pur-ḳhulus hon
ai karsaz bahnon ko ab aise bhaa.i de
ye zindagi hai apni kabhi ḳhush kabhi udaas
is kashmakash se mujh ko ḳhudaya riha.i de
‘zebi’ ajiib daur hai ye vahshaton ka daur
saaya bhi apna maut ka saaya dikha.i de
Leave a Reply