Zakiya Shaikh Meena
ai qalamkar mire harf-e-sadaqat likhna
varna be-kar hai mazmun-e-balaghat likhna
adl bikta hai jahan sikkon ki jhankaron men
mustahab un pe nazar aata hai la.anat likhna
daur-e-hazir men hai anqa bashariyyat ka vajud
sun muarriḳh tu ise daur-e-jahalat likhna
ham ne dekhi hai jin ankhon men sulagti nafrat
kitna mushkil hai un ankhon men mohabbat likhna
nik.hat-e-gul ke to ashiq hain sabhi ‘mina’ tum
bistar-e-ḳhar pe hansne ki aziyyat likhna
Leave a Reply