ai naseh chashm-e-tar se mat kar aansu paak rahne de
are bedard rone men mujhe bebak rahne de
baras mat abr mit jaaga baghola khak-e-majnun ka
khuda ke vaste dasht-e-junun ki naak rahne de
dil-e-zakhmi hai shaeq bu-e-gul aur shor-e-bulbul ka
rafu-gar fasl-e-gul men ye gareban chaak rahne de
ye taqat nazr hai ai na-tavani par baharon men
mire hathon ko chak-e-jeb par chalak rahne de
nasihat mujh ko tark-e-ishq ki kuchh farz nahin tujh par
na chhod ai shaikh sunnat munh men nit misvak rahne de
uda mat ai nasim-e-bagh-e-jannat kya karun tujh ko
mire sar par zara pi ki gali ki khaak rahne de
agar juun shama-did-e-shoala-ruyan chahiye ‘uzlat’
nazara ta na jal ja chashm ko namnak rahne de
Leave a Reply