ai javanan nau-baharan men qadah-noshi karo
gul-badan saaqi seti har shab ham-aghoshi karo
dosti ki rah men dil kuun sard karna khuub naiin
dam-ba-dam khurshid-ruyan siin garam-joshi karo
muddaa gar hai zuhur-e-qurb apna khalq par
anjuman men barmala khuban se sargoshi karo
mah-rukhan ke dekhne ka hai agar dil muun talash
asman saan ikhtiyar-e-khana-bardoshi karo
ahl-e-maani men agar dakhil hone ka shauq hai
harf-e-be-maani sati har vaqt khamoshi karo