ai ham-nafaso! shab hai giran jagte rahna
har lahza hai yaan ḳhatra-e-jan jagte rahna
aisa na ho ye raat koi hashr uTha de
uThta hai sitaron se dhuan jagte rahna
ab husn ki duniya men bhi aram nahin hai
hai shor sar-e-ku-e-butan jagte rahna
ye sehn-e-gulistan nahin maqtal hai rafiqo!
har shaḳh hai talvar yahan jagte rahna
be-daron ki duniya kabhi luTti nahin ‘dauran’
ik sham.a liye tum bhi yahan jagte rahna
Leave a Reply