Poet
ai dasht-e-shab-guzar tiri aas ka hiran
khaa.i men yaas ki jo gira ro paḌi pavan
ja kar dayar-e-marg men chhoḌ aa.iye use
jo ghumta hai oḌhe hue dard ka kafan
ab tujh se hi jala.unga ye gul-shuda charagh
ai TimTimati raat Dhale chand ki kiran
ab tere ḳhat ko DhunD raha huun varaq varaq
ukta chuka hai harf-o-hikayat se mera man
avaz aa rahi hai fasil-e-najat se
teri kami khaTakti hai ai mere ham-vatan
yazdan ḳhata muaaf gira ja raha huun main
phir aadmi ke bhes men aaya hai ahrman
Leave a Reply