Poet
ai ahl-e-mohabbat kya kahiye kya chiiz mohabbat hoti hai
kuchh gham ki haqiqat hoti hai kuchh dil ki tabi.at hoti hai
kul ziist alam ta-zist alam yak vaqfa-e-dam taskin-e-alam
sunte hain qayamat aati hai jab us se bhi fursat hoti hai
uf ayat-e-sajda husn-e-ada jalve ke liye parda bhi uTha
betab jabin jhuk jaati hai kuchh aisi bhi surat hoti hai
kuchh mast nigah-e-saqi hai kul mai men hai jo kuchh baaqi hai
mai-ḳhane ke bahar kuchh bhi nahin mai-ḳhane men jannat hoti hai
duniya se alag ho kar ‘kaifi’ duniya se ḳhafa duniya ka gila
ummid agar baaqi na rahe tab yaas men rahat hoti hai
Leave a Reply