Akram Naqqash
ai abr-e-iltifat tira e’tibar phir
ankhon men phir vo pyaas vahi intizar phir
rakhkhun kahan pe paanv baḌha.un kidhar qadam
raḳhsh-e-ḳhayal aaj hai be-iḳhtiyar phir
dast-e-junun-o-panja-e-vahshat chihar-samt
be-barg-o-bar hone lagi hai bahar phir
paspa.iyon ne gaaḌ diye daant pusht par
yuun daman-e-ghurur hua taar taar phir
nishtar tiri zaban hi nahin ḳhamshi bhi hai
kuchh rah-guzar-e-rabt hui ḳhar-zar phir
mujh men koi saval tire ma-siva nahin
mujh men yahi saval hua ek baar phir
Leave a Reply