ai asman karam itna zamin par kar de
sameT le sabhi tarikiyan sahar kar de
kisi se qissa-e-shahr-e-tilism kah na sakun
ilahi behis-o-be-nutq-o-be-basar kar de
tamam umr ham ik dusre se mil na saken
safar juda.i ka itna tavil-tar kar de
hanuz chir-haran ka hai silsila jaari
koi karishn kanhayya ko ye ḳhabar kar de
ye ḳhushbuon ki qaba gul ki chhanv us ke liye
‘munir’ ke liye maḳhsus dopahar kar de
Leave a Reply