Muneer Saifi
ai asman karam itna zamin par kar de
sameT le sabhi tarikiyan sahar kar de
kisi se qissa-e-shahr-e-tilism kah na sakun
ilahi be-his-o-be-nutq-o-be-basar kar de
tamam-umr ham ek dusre se mil na saken
safar juda.i ka itna tavil-tar kar de
hanuz chir-haran ka hai silsila jaari
koi krishn-kanhaiya ko ye ḳhabar kar de
ye ḳhushbuon ki qaba gul ki chhanv us ke liye
‘munir’ ke liye maḳhsus dopahar kar de
Leave a Reply