Poet
ahl-e-dil mushkil men hain ahl-e-nazar mushkil men hain
aaj main kya mere saare ham-safar mushkil men hain
zindagi ki uljhanon ka kya mudava kijiye
zaḳhm baḌhte ja rahe hain chara-gar mushkil men hain
ye sukut-e-shab ye zulmat aur ham shorida-sar
ruḳhsat ai zindan tire divar-o-dar mushkil men hain
vo bahut achchhe hain tum jin ki nazar men kuchh nahin
ham ko dekho ham tumhen pahchan kar mushkil men hain
Leave a Reply