Ek Na Aane Wale Ka Intizar Karte Hain

ik na aane vaale kā intizār karte haiñ

sham-e-rah-guzar haiñ ham roz bujhte-jalte haiñ

mere kuchh na kahne ko harf-e-ārzū samjho

ḳhāmushī meñ bhī ma.anī kuchh na kuchh nikalte haiñ

ek nashsha rahtā hai tujh se mil ke pahroñ tak

nashsha jab nahīñ hotā aur ham bahakte haiñ

rāh-e-dard meñ koī ham-safar nahīñ hotā

apnī aag meñ ḳhud hī sham.a saañ pighalte haiñ

dekhnā hai kaun ‘ishqī’ saath de sar-e-manzil

ibtidā meñ to sab hī saath saath chalte haiñ

Leave a Comment