ik na aane vaale ka intizar karte hain
sham-e-rah-guzar hain ham roz bujhte-jalte hain
mere kuchh na kahne ko harf-e-arzu samjho
ḳhamushi men bhi ma.ani kuchh na kuchh nikalte hain
ek nashsha rahta hai tujh se mil ke pahron tak
nashsha jab nahin hota aur ham bahakte hain
rah-e-dard men koi ham-safar nahin hota
apni aag men ḳhud hi sham.a saan pighalte hain
dekhna hai kaun ‘ishqi’ saath de sar-e-manzil
ibtida men to sab hi saath saath chalte hain
Leave a Reply