Poet
agar sabit-qadam ho ishq men jiyun shama jal sakiye
muqabil tund-khu ki tegh-e-abru ke sambhal sakiye
hamare ashk-e-khunin ne hinai rang laaya hai
are dil us ke paanv par ye ankhen ab to mal sakiye
palak se jis tarah aansu guzar jaata hai ik pal men
sirat upar khuda ka fazl shamil ho to chal sakiye
nikalna said ka sayyad ke phande se mushkil hai
nahin asan ai dil dam-e-duniya se nikal sakiye
lagi jab shama ki si tarah atish ishq ke sar ko
tasavvur shola-ru ka bandh kar jal jal pighal sakiye
Leave a Reply