agar jo pyaar ḳhata hai to koi baat nahin
qaza hi us ki saza hai to koi baat nahin
tu sirf meri hai is ka ghurur hai mujh ko
agar ye vahm mira hai to koi baat nahin
muaaf karne ki aadat nahin hai vaise to
agar ye tiir tira hai to koi baat nahin
bina badan ke ta.alluq bacha nahin sakte
yahi jo rasta bacha hai to koi baat nahin
haan mere ba.ad kisi aur ka na ho jaana
tu aaj mujh se juda hai to koi baat nahin
Leave a Reply