Actress

Qateel Shifai

thartharati rahi charagh ki lau

ashk palkon pe kaanp kaanp gae

koi aansu na ban saka taara

shab ke saae nazar ko dhanp gae

kat gaya vaqt muskurahat men

qahqahe ruuh ko pasand na the

vo bhi anhken chura gae akhir

dil ke darvaze jin pe band na the

saunp jaata hai mujh ko tanhai

jis pe dil e’tibar karta hai

banti jaati huun nakhl-e-sahrai

tu ne chaha to main ne maan liya

ghar ko bazar kar diya main ne

bech kar apni ek ek umang

tujh ko zardar kar diya main ne

apni be-chargi pe ro ro kar

dil tujhe yaad karta rahta hai

qahqahon ke siyah ujale men

jism fariyad karta rahta hai