Basheer Munzir
achchhe kabhi bure hain halat aadmi ke
pichhe lage hue hain din raat aadmi ke
ruḳhsat hue to jaana sab kaam the adhure
kya kya karen jahan men do haat aadmi ke
miTTi se vo uTha hai miTTi men ja milega
uḌte phirenge ik din zarrat aadmi ke
ik aag hasraton ki sochon ka ik samundar
kya kya vabal yarab hain saath aadmi ke
is daur-e-irtiqa men ‘munzir’ qadam qadam par
pamal ho rahe hain jazbat aadmi ke
Leave a Reply