abr ka sar pe sa.eban bhi to ho
sohbat yad-e-raftagan bhi to ho
TuuTe kaise yahan sukut-e-suḳhan
shahr men koi ham-zaban bhi to ho
chand-tare liye kahan Tanken
apne hisse men asman bhi to ho
mez gul-dan titliyan khiḌki
aise manzar men ek makan bhi to ho
aks chehre se chhanTna hai agar
ek a.ina darmiyan bhi to ho
sher bunden bane ghazal dhara
fikr-e-‘sabir’ ravan-davan bhi to ho
Leave a Reply