Abr-E-Siyah Qaus-E-Quzah Chandni Ghazal

Suhaib Farooqui

abr-e-siyah qaus-e-quzah chandni ghazal

har manzar-e-hayat men Dhalti rahi ghazal

shanon pe us ne Daal di ik surma.i ghazal

jaise falak se aa.e koi jhumti ghazal

oḌhi kabhi to ham ne bicha.i kabhi ghazal

lekin hamare kaam na aa.i koi ghazal

jab bhi tasavvurat ne avaz di tujhe

tahrir dil pe ho ga.i ik chand si ghazal

har shai huzur-e-husn men nakam ho ga.i

ho pankhuḌi gulab ki ya ‘mir’ ki ghazal

kis ke firaq ne use divana kar diya

phirti hai maari maari gali dar gali ghazal

vo aur the ki jin ko sahife diye ga.e

ham jaise ahl-e-dil pe utari ga.i ghazal

de kar mire ḳhayal ko tabinda pairahan

ustad-e-mohtaram ne sanvari miri ghazal

paḌhte rahe ‘suhaib’ baḌi an-ban se

ham roz mahfilon men chura.i hui ghazal