Abr Baadal Hai Aur Sahab Ghata

abr badal hai aur sahab ghata

jis ki ham dekhte hain aaj bahar

kis ko baran ne tazgi bakhshi

zara kheti hai aur darakht ashjar

kaun si ja hai sair ke qabil

baagh rauza hadiqa aur gulzar

ab gharibon ko ho gai taskin

jo ki lete the qarz-o-vam udhar

qaht hai kaal aur gadai bhiik

jis ke menh ne mita diye asar

ju nadi ab-gir hai talab

menh jo barsa to bhar gae yak-bar

nirkh hai bhaav aur ghalla anaaj

sasta arzan hai suuq hai bazar

mardum-o-admi bashar insan

fazl-e-bari ke sab hain shukr-guzar

hain kushavarz kast-kar kisan

khushk-sali se the bahut na-char

menh barasta raha kai din raat

roz-o-shab subh-o-sham lail-o-nahar

qatra hai buund aur menh baran

aab paani hai aur bahut bisyar

bunda-bandi yahi tarashshoh hai

jaise hai aaj nannhi nannhi phuvar

kaali kaali ghata hai abr-e-siyah

jo ki barsa rahi hai ye bauchhar

saaya hai chhanv aftab hai dhuup

dekh aaj dhuup chhanv ki ye bahar

Leave a Comment