ab ye ankhen kisi taskin se tabinda nahin
main ne rafta se ye jaana hai ki a.inda nahin
tere dil men koi gham mera numa.inda nahin
agahi teri mizha par abhi raḳhshanda nahin
dil-e-viran dam-e-isa hai ga.e vaqt ki yaad
kaun sa lamha-e-rafta hai ki phir zinda nahin
tu bhi chahe to na aa.egi vo biiti hui raat
hai vahi chand magar vaisa daraḳhshinda nahin
abr-e-avara se mujh ko hai vafa ki ummid
barq-e-betab se shikva hai ki pa.inda nahin
kabhi ghunche ko mahakne se koi rok saka
shauq agar hai to phir iz.har se sharminda nahin
Leave a Reply