Firaq Gorakhpuri
kami na ki tire vahshi ne khaak udane men
junun ka naam uchhalta raha zamane men
‘firaq’ daud gai ruuh si zamane men
kahan ka dard bhara tha mire fasane men
junun se bhuul hui dil pe chot khane men
‘firaq’ der abhi thi bahar aane men
vo koi rang hai jo ud na jaae ai gul-e-tar
vo koi bo hai jo rusva na ho zamane men
vo astin hai koi jo lahu na de nikle
vo koi hasan hai jhijhke jo rang laane men
ye gul khile hain ki choten jigar ki ubhri hain
nihan bahar thi bulbul tire tarane men
byaan shama hai hasil yahi hai jalne ka
fana ki kaifiyaten dekh jhilmilane men
kasi ki halat-e-dil sun ke uth gaiin ankhen
ki jaan pad gai hasrat bhare fasane men
usi ki sharh hai ye uthte dard ka aalam
jo dastan thi nihan tere aankh uthane men
vo koi rang hai jo ud na jaae ai gul-e-tar
vo koi bu hai jo rusva na ho zamane men
bayan-e-shama hai hasil yahi hai jalne ka
fana ki kaifiyaten dekh jhilmilane men
gharaz ki kaat diye zindagi ke din ai dost
vo teri yaad men hon ya tujhe bhulane men
hamin hain gul hamin bulbul hamin hava-e-chaman
‘firaq’ khvab ye dekha hai qaid-khane men
Leave a Reply