ab vo kahte hain mudda.a kahiye
sochta huun ki ‘naqsh’ kya kahiye
zindagi zindagi se ruuTh ga.i
haa.e ab kis ko ashna kahiye
hai taghaful ka kyuun gila un se
ah-e-sozan ko na-rasa kahiye
apni kashti to Duub hi jaati
azm-e-mohkam ko naḳhuda kahiye
thartharahaT haya ki us ruḳh par
raqs-e-nairangi-e-saba kahiye
khoi khoi hain dhaḌkanen dil ki
phir mohabbat ki ibtida kahiye
ittifaqan ye aap ka milna
ek rangin hadsa kahiye
na-shanas-e-alam ho jo hasti
sach to ye hai ki be-maza kahiye
dushman-e-jan to dushman-e-jan hai
ghamgusaron ko ‘naqsh’ kya kahiye
Leave a Reply