Ab Uske Milne Ka Koi Guman Bhi to Nahin

ab us ke milne kā koī gumān bhī to nahīñ

ki mere shahr meñ us kā makān bhī to nahīñ

sulagnā dhuup meñ hai bhīgnā hai bārish meñ

ki mere sar pe koī sā.ebān bhī to nahīñ

unhoñne pūchhā jo mujh se sabab ḳhamoshī kā

kahūñgā kyā mire muñh meñ zabān bhī to nahīñ

maiñ apne-āp se rahtā huuñ be-ta.alluq sā

nazar meñ merī koī imtihān bhī to nahīñ

Leave a Comment