ab to jiine ki koi aas nahin
teri yaden bhi mere paas nahin
siikh lete hain vo fan-e-ulfat
dair men ishq ka class nahin
dekh luun teri nargisi ankhen
aur koi bhi mujh ko pyaas nahin
pi raha huun main ashk-e-gham-e-saqi
mai se labrez ye gilas nahin
jab se mujh se bichhaḌ gaya koi
zindagi aa.i mujh ko raas nahin
sahn-e-gulshan ke phuul sharma.e
koi bhi tujh sa ḳhush-libas nahin
jo tha qismat men vo nazar aaya
gham men bhi rah ke main udaas nahin
Leave a Reply