Rizwan Haider
ab to apnon se hi hai apne vatan ko ḳhatra
ya.ani phulon se bhi hota hai chaman ko ḳhatra
kahin mandir se hain ḳhatre men miyan abdullah
kahin masjid se nazar aaya madan ko ḳhatra
koi pamal na kar de kahin ismat meri
raah chalne pe bhi hota hai bahan ko ḳhatra
din-ba-din girta hi jaata hai adab ka me.aar
dekho hone ko hai ab ja-e-suḳhan ko ḳhatra
is zamin ne bahut ugle hain lahu ke chashme
hoga is baar faqat charḳh-e-kuhan ko ḳhatra
Leave a Reply