Bhawana Srivastava
ab to asan dikha.i nahin deta kuchh bhi
us kei janib se suna.i nahin deta kuchh bhi
is qadar ankhon pe qabiz hai vo jaana us ka
is taraf aata dikha.i nahin deta kuchh bhi
asmanon ka bulana na qafas ka khulna
kyon parinde ko riha.i nahin deta kuchh bhi
farq koi nahin ḳhalvat men ki mahfil men rahun
dard se mujh ko juda.i nahin deta kuchh bhi
chand jugnu ya sitare to dikhenge shab men
is ujale men dikha.i nahin deta kuchh bhi
Leave a Reply