Ayub Khawar
ab to aa.e nazar men jo bhi ho
niind ke bam-o-dar men jo bhi ho
jism-o-jan ka makan hua ḳhali
aise tanha safar men jo bhi ho
gunjte hain faza men sannaTe
TuTne ke asar men jo bhi ho
gum to hoga sitara-e-shab-e-dil
kam hai is raat bhar men jo bhi ho
dhuup ho abr ho ki saya-e-gul
ab to is rahguzar men jo bhi ho
‘ḳhavar’ us sabz ḳhema-e-gul tak
is kaḌi dopahar men jo bhi ho
Leave a Reply