Ab Kaun Baat Rah Gai Ye Baat Bhi Gai

ab kaun baat rah gai ye baat bhi gai

yaani kabhi kabhi ki mulaqat bhi gai

kahte hain vo ki jazba-e-dil ab fareb hai

jab dil gaya to dil ki karamat bhi gai

jo kuchh kiya vo tu ne kiya iztirab-e-shauq

sau afaten bhi aaiin miri baat bhi gai

dastar aap ki jo hui rehn-e-mai-kada

tauba hamari qibla-e-hajat bhi gai

vaade ki kaun raat qayamat ka din nahin

asar-e-subh kahte hain ye raat bhi gai

maana ki din sidhare ‘mubarak’ shabab ke

rangin tabiaton se mulaqat bhi gai

Leave a Comment