ab kahan dard jism-o-jan men hai
dafn hai dil badan dukan men hai
din Dhale roz yuun lage jaise
koi mujhsa mire makan men hai
dil ka kuchh bhi pata nahin chalta
haath men hai ki asman men hai
chhanv ke pal jala diye saare
uf vo suraj jo sa.eban men hai
kyuun na tashbih phuul ho us ki
vo jo ḳhushbu sa dastan men hai
ik saval aur ‘arsh’ baaqi hai
aḳhiri tiir bhi kaman men hai
Leave a Reply