Zebunnisaa Zaibii
kirdar hai aur apni kahani se juḌa hai
insan to bas alam-e-fani se juḌa hai
main kaise kahun pyaas se marte nahin panchhi
ye saans ka rishta bhi to paani se juḌa hai
dil ab bhi tiri aarzu karta hai musalsal
dil ab bhi mira yaad ke paani se juḌa hai
har shaḳhs hi duniya se chala ja.ega ik din
har shaḳhs hi jab naql-e-makani se juḌa hai
is gham ko bhi ab dil men jagah deni paḌegi
ye gham bhi mire saath javani se juḌa hai
ye dard miri jaan ka dushman bana ‘zebi’
is dard ka rishta bhi ravani se juḌa hai
Leave a Reply