ab jo koi puchhe bhi to us se kya sharh-e-halat karen
dil thahre to dard sunaen dard thame to baat karen
shaam hui phir josh-e-qadah ne bazm-e-harifan raushan ki
ghar ko aag lagaen ham bhi raushan apni raat karen
qatl-e-dil-o-jan apne sar hai apna lahu apni gardan pe
mohr-ba-lab baithe hain kis ka shikva kis ke saath karen
hijr men shab bhar dard-o-talab ke chand sitare saath rahe
subh ki virani men yaaro kaise basar auqat karen
Leave a Reply