ab hasti-e-ḳharab ka aalam sanvar gaya
ik nashsha-e-shabab tha sar se utar gaya
guzra huun rah-e-ishq men manzil se be-niyaz
avaz un ki paa.i jahan bhi Thahar gaya
muḌ muḌ ke dekhte hain mujhe rahguzar pe log
main dekhta huun zo.am-e-mohabbat kidhar gaya
qadmon ko us ke chhuta hai ḳhud maqsad-e-hayat
jo manzil-e-nashat ki had se guzar gaya
anjam-e-ishq dekh raha huun ‘nazar’ se aaj
main be-ḳhudi men apne hi saa.e se Dar gaya
Leave a Reply