kuchh dinon is shahr men ham log avara phiren
aur phir is shahr ke logon ka afsana likhen
shaam ho to doston ke saath mai-ḳhane chalen
sub.h tak phir raat ke taqon men be-masraf jalen
muddaten guzrin ham us ki raah se guzre nahin
aaj us ki raah jaane ke bahane DhunD len
shahr ke dukh ka mudava DhunD lo charagaro
is se pahle log divaren siyah karne lagen
ek jaise manzaron se aankh be-raunaq hui
aao ab kuchh der divaron se bahar jhank len
pahle ghar se be-ḳhayali men nikal paḌte the log
ab taqaza-e-junun ye hai ki vo achchhe lagen
Leave a Reply