Syed Shakeel Desnavi
ye zad-e-rah hamesha safar men rakh lena
bichhḌe vaqt ka manzar nazar men rakh lena
mile to raas bhi aa.e lakir hathon ki
ye ik kamal bhi dast-e-hunar men rakh lena
safar hai lauT ke aana agar nasib na ho
saja ke yaad miri chashm-e-tar men rakh lena
hamari zad men hai puuri tarah fasil-e-shab
hamara naam numud-e-sahar men rakh lena
kisi ki yaad ki ḳhushbu safar men saath chale
kisi ke hijr ka mausam nazar men rakh lena
Leave a Reply