abdul-hamid-adam

Ab Do-Alam Se Sada-e-Saz Aati Hai Mujhe

ab do-alam se sada-e-saz aati hai mujhe

dil ki aahat se tiri avaz aati hai mujhe

jhaad kar gard-e-gham-e-hasti ko ud jaunga main

be-khabar aisi bhi ik parvaz aati hai mujhe

ya samaat ka bharam hai ya kisi naghme ki guunj

ek pahchani hui avaz aati hai mujhe

kis ne khola hai hava men gesuon ko naaz se

narm-rau barsat ki avaz aati hai mujhe

us ki nazuk ungliyon ko dekh kar aksar ‘adam’

ek halki si sada-e-saz aati hai mujhe

More Poems

Leave a Comment