Cba Fb A Dddba
ab bhi parde hain vahi parda-dari to dekho
aql ka da.ava-e-baligh-nazari to dekho
sar paTakte hain ki divar-e-ḳhumistan Dha den
hazrat-e-shaiḳh ki ashufta-sari to dekho
aaj har zaḳhm ke munh men hai zaban-e-fariyad
mere iisa ki zara charagari to dekho
qaid-e-nazzara se jalvaon ko nikalne na diya
doston ki ye vasi.a-un-nazari to dekho
un se pahle hi chale aa.e janab-e-naseh
mere nalon ki zara zud-asari to dekho
hai taghaful ki tavajjoh nahin khulne paata
husn-e-ma.asum ki bedad-gari to dekho
mujh se hi puchh raha hai miri manzil ka pata
mere rahbar ki zara rah-bari to dekho
un ko de aa.e hain ḳhud apni mohabbat ke ḳhutut
gham-gusaron ki zara nama-bari to dekho
donon hi raah men Takrate chale jaate hain
ishq aur aql ki ye ham-safri to dekho
javedan qurb ke lamhat hue hain maz.har
ta.ir-e-vaqt ki be-bal-o-pari to dekho
Leave a Reply