ab bhala chhod ke ghar kya karte
shaam ke vaqt safar kya karte
teri masrufiyaten jante hain
apne aane ki khabar kya karte
jab sitare hi nahin mil paae
le ke ham shams-o-qamar kya karte
vo musafir hi khuli dhuup ka tha
saae phaila ke shajar kya karte
khaak hi avval o akhir thahri
kar ke zarre ko guhar kya karte
raae pahle se bana li tu ne
dil men ab ham tire ghar kya karte
ishq ne saare saliqe bakhshe
husn se kasb-e-hunar kya karte
Leave a Reply