jagir agar bahut na mili ham kuun gham nahin
hasil hamare mulk-e-qanaat ka kam nahin
is saath mah-rukhan ko nahin kuchh barabari
yusuf se ye nigar-e-pari-zad kam nahin
khush-suratan se kya karun main ashnai ab
mujh ko to in dinon men mayassar diram nahin
dil bandhte nahin hain hamare milap par
mah-talatan men mujh ko to ab kuchh bharam nahin
milte ho sab ke ja ke ghar aur ham suun ho kanar
kuchh ham to un chakoron se ai maah kam nahin
zahir ke dost aate nahin kaam vaqt par
talvar kaat kya kare jis ko jo dam nahin
‘faez’ ko bhaya misra-e-‘yakrang’ ai sajan
gar tum miloge un seti dekhoge ham nahin
Leave a Reply