ab apna haal ham unhen tahrir kar chuke
khama supurd katib-e-taqdir kar chuke
kahte hain tum visal ki tadbir kar chuke
goya hamare haq men vo taqdir kar chuke
tadbir ko havala-e-taqdir kar chuke
ham be-zaban bhi yaar se taqrir kar chuke
dil-e-khar-khar khanda-e-chashm-e-asar hai ab
dil-e-garm sirf nala-e-shab-gir kar chuke
marta huun yuun ki basta-e-fitrak kyuun nahin
main huun vahi ki tum jise nakhchir kar chuke
ham jaan kyuun na den dam-e-guftar baar baar
par dekhte hain ye ki vo taqrir kar chuke
bahar hai zabt-e-sharm se ashuftagi miri
tum bhi asir-e-zulf-e-girah-gir kar chuke
vaqt-e-payam vasl vo kahte hain ho chuka
shayad adu se vasl ki tahrir kar chuke
bas intizar-e-subh-e-qayamat nahin qubul
ham ab to azm nala-e-shab-gir kar chuke
kuchh muzd-e-ranj bazu-e-qatil nahin ki dil
nazr ada-e-burrash-e-shamshir kar chuke
khulta nahin ye uqda ki ho baithe shaad kyuun
kis ko asir-e-zulf-e-girah-gir kar chuke
kahiye ki shan-e-ishq men kya ho gai kami
go aap khuub si miri tahqir kar chuke
dil hai yahan do-nim qusur-e-tapish muaaf
tum bhi nigah-e-bazm ko shamshir kar chuke
khulta hai aur nala-sarai se dil mira
naala ye biin to un pe bhi tasir kar chuke
surat chhupaiye kisi surat-parast se
ham dil men naqsh aap ki tasvir kar chuke
daman-kashan chale hain miri khaak par se vo
barbad karne ki miri tadbir kar chuke
kuchh hashr-khezi shab-e-gham-e-intizar-e-marg
kuchh duur zulm vaqt ki takhir kar chuke
gautam ne us ko rakh ke nazar men gira diya
lekin adu ki izzat-o-tauqir kar chuke
ta-charkh hain udaae phire mujh ko zoaf men
naale kahan kahan mujhe tashhir kar chuke
hai vahan nigah nigah ko sar-e-dil-bari magar
dil ko mere vo qismat-e-sad-tir kar chuke
kahiye ki zor-e-bazue men kidhar gaya
sau baar ghair aap ki taqsir kar chuke
pahle jabin havala-e-taqdir kar chuke
dil musir hai ki kar-kunan-e-qaza a
saman-e-sad-shikastin taamir kar chuke
chun chun ke be-gunah ko vo laate hain zer-e-tegh
ham jab se is ummid pe taqsir kar chuke
akhir to baad us ke hai yaas se ummid
jo kuchh ham apni aah ki tasir kar chuke
ab kya kahen ki qaul-e-vafa de chuke unhen
pahle hi qata daman-e-taqrir kar chuke
ab kya raha lapet men daman se aap ke
mitti ham apni aap jo tauqir kar chuke
hai chashm-e-dajla baaz to kya ham ko chashm-e-zist
kashana ru-e-ab pe taamir kar chuke
kyuun iltija-e-qatl se kijiye unhen satang
jab vaqt aa gaya to vo takhir kar chuke
ham kis se shukr-o-madh qubul-o-dua karen
lab qismat-e-shikayat-e-tasir kar chuke
ab munh se bolti koi tasvir aap ki
jaan apni ham havala-e-taqdir kar chuke
is lab pe imtihan ke liye mar mite hain ham
jiine se pahle marne ki tadbir kar chuke
hota hai vo hi yahan ki jo manzur hai vahan
‘anvar’ ham azmaish-e-taqdir kar chuke
Leave a Reply